|
|
||
| ||
|
05/07/2008
19ESIMA "FIERA DI U VINU" IN LURI
U 5 è 6 lugliu si tenerà a 19esima "Fiera di u Vinu" in Luri. À u prugrammu: messa nustrale, un cuncorsu di vini, attelli per stastà u vinu, cunferenze, animazioni musicale, panconi d'artigianatu, è un cuncorsu di cavalli. Una piccula fiera, diventata in qualchì annu un appuntamentu pè a prumuzione di i vini corsi. A vigna è u vinu seranu à l'onore. Quaranta quattru vignaghjoli seranu in Luri pè u tradiziunale cuncorsu. Ci serà una cunferenza di Patrick Fioramonti, nant'à u vinu è a salute, u duttore Laurence Gabrielli tratterà di: "Vin et santé: réconcilier l'inconciliable? L'exemple du diabète". Millesimi corsi seranu venduti à l'asta. Scontri di cantu corsi è ortodossi, cù a chorale "Convivia Musica" iniziazioni à u ballu tradiziunale cù u gruppu "Diana di l'Alba" è u gruppu 'l''Eredi", à u prugrammu, organizazione d'un cuncorsu di cantu è iniziazione à u ballu tradiziunale. Pè a passione di u vinu, di a cunvivialità, di a spartera è i sapori, ci vole à esse in Luri i 5 è 6 lugliu. Riferenza in l'archivii ADECEC: A - CM 28.06.08
|
